Øygarden kommune

Øygarden kommune ligg vest for Bergen og er den nest største kommunen i Vestland fylke. Straume er kommunesenter med kommunedelsenter på Rong og i Skogsskiftet. Kommunen har om lag 39 000 innbyggjarar og 2 700 tilsette. Øygarden kommune har sett seg som mål å vera ein framtidsretta og kunnskapsbasert samfunnsutviklar med fortrinn innanfor energi, teknologi og marine ressursar. Kommunen skal løfta fram viktige verdiar som felles kultur, språk og identitet. Vi ønskjer å levere gode utbygde tenester og mangfaldig foreinings- og kulturliv der det er lagt til rette for rekreasjon, kulturelle møtestader og sosiale nettverk.